Sajdada birinchi peshona yerga tegadimi yoki burun?

Savol: Namozda sajdaga borganda birinchi peshona yerga tegadimi yoki burunmi? Men shu paytgacha burnimni birinchi yerga tekkazaman, qay biri to‘g‘ri?

Javob: Bismillahir Rohmanir Rohim. Bu borada mazhabimizda ikki xil fatvo bor. Qaysi biriga amal qilinsa ham joiz. Alloma Alouddin Kosoniy bu haqda shunday deganlar:

وَمِنْهَا أَنْ يَضَعَ جَبْهَتَهُ ثُمَّ أَنْفَهُ ، وَقَالَ بَعْضُهُمْ : أَنْفَهُ ثُمَّ جَبْهَتَهُ .

Ya’ni, “Namozdagi sunnatlardan yana biri sajdaga peshonasini qo‘yib, keyin burnini qo‘yishdir. Fuqaholardan ba’zilari esa “Burni qo‘yib, keyin peshonasini qo‘yadi”, – deyilgan.

Foydalanilgan adabiyot: “Badoius-sanoi” kitobi.
Manba: O‘zbekiston musulmonlari idorasi Fatvo hay’ati.