NASA Marsga 45 kunda borish imkoni yaratish ustida ishlamoqda

Mavjud texnologiyalar yordamida Marsga parvoz qizil sayyoraning Yerga maksimal yaqinlashganida 26 oy davom etadi. Olim Rayan Gossening ta’kidlashicha esa, ikki rejimli yadroviy dvigatel atigi 45 kun ichida odamlarni yoki tonnalab yuklarni Marsga olib borishi mumkin. U mazkur texnologiyani ishlab chiqish va dvigatelni yasash uchun NASA dan $12 500 miqdorida grant oldi.

“– Sayohat vaqtini taxminan 45 kungacha qisqartirish, Marsga yetish uchun yillar emas, balki oylar ketishini anglatadi. Agar texnologiya rejalashtirilganidek ishlasa, u Marsga sayohat vaqtini keskin qisqartirishi va qizil sayyora missiyalarini odamlar uchun xavfsizroq qilishi mumkin”, – deya ta’kidlamoqda muhandislar.

Ma’lum bo‘lishicha, NASA uzoq vaqtdan beri kosmik kemalar uchun yadroviy dvigatellarni ishlatish imkoniyatlarini ko‘rib chiqqan.

Eslatib o’tamiz, avvalroq NASA olimlarining Marsda tirik organizmlarni aniqlashga urinishlar ham samarasiz bo‘lgandi.