Azimjon Poʻlatov “Bukhara city” rahbarligidan ketdi. Uning oʻrniga Azizjon Toʻxtamishov tayinlandi

To‘xtamishov Azizjon Boltayevich “Buxoro viloyati hokimligi huzuridagi “Bukhara city” hududidagi obyektlarni qurish va ulardan foydalanish direksiyasi” DUK direktori etib tayinlandi.

A. To‘xtamishov 1984–yilning 5–aprel kuni Jondor tumanida tug‘ilgan. Ma’lumoti oliy, Toshkent irrigatsiya va melioratsiya institutini tamomlagan (2006-yil). Oilali, 3 nafar farzandi bor.

U mehnat faoliyatini 2006-yilda Jondor tuman yer tuzish va ko‘chmas mulk kadastr xizmatida turar joy binolari texnigi sifatida boshlagan. Shundan soʻng:

• Jondor tuman yer tuzish va ko‘chmas mulk kadastr xizmati «Bir oyna» mutaxassisi (2009—2010);
• Jondor tuman «Yermulkkadastr» xizmati turar joy binolari mutaxassisi (2010—2011);
• Jondor tumani hokimining kapital qurilish, kommunikasiyalar, kommunal xo‘jalik va obodonlashtirish masalalari bo‘yicha birinchi o‘rinbosari bosh mutaxassisi (2011—2012);
• Jondor tuman yer resurslari va davlat kadastri bo‘limi boshlig‘i (2012—2013);
• Buxoro viloyat «Yermulkkadastr» davlat korxonasi boshlig‘i (2013—2016);
• korxona ma’naviy va ma’rifiy ishlar bo‘limi boshlig‘i (2016);
• korxona bosh muhandisi vazifasini bajaruvchisi (2016—2017);
• korxona boshlig‘i vazifasini bajaruvchisi (2017);
• Jondor tumani hokimining sanoatni rivojlantirish, kapital qurilish, kommunikasiyalar va kommunal xo‘jalik masalalari bo‘yicha o‘rinbosari (2017—2020);
• Buxoro viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari kotibiyati mudiri (2020–2023).

Ma’lumot uchun, hozirga qadar “Bukhara City” da rahbarlik qilib kelgan Azimjon Po‘latov O‘zbekiston Respublikasi Prezidenti huzuridagi Davlat boshqaruvi akademiyasida ishlab chiqarishdan ajralgan holda tayanch doktoranturada tahsilni davom ettirmoqda.