Qanday erkaklar ayol kishi uchun mahram hisoblanadi?

Savol: Qanday erkaklar biz, ayollar uchun mahram hisoblanadi? Shular haqida aniq ma’lumot bersangiz.

Javob: Islom – dinlar ichida eng mukammal va oxirgi din. Qur’oni karimda mahramlar aniq bayon qilingan. Demak, ayolning mahramlari bilan tanishib chiqamiz.

1. Ota va bobolar – ayolning ota va ona tomonidan otalari;
2. Erning otasi (qaynota);
3. Ayolning o‘z o‘g‘illari, erning o‘g‘illari (o‘gay o‘g‘illari) va nabiralari;
4. Ayolning qarindoshi (aka-uka, opa-singillari). Xoh ota-onasi bir, xoh faqat ona yoki ota bir qarindoshi bo‘lsin, farqi yo‘q;
5. Aka-uka, opa-singillarning o‘g‘illari.

Sanab o‘tilganlarning barchasi ayolga mahram hisoblanadi. Bular oldida ziynatlarini ochish mubohdir. Alloh taolo yuqoridagi oyatda amaki va tog‘alariga oid hukmni bayon etmagan. Fiqh ilmi olimlarning fikriga ko‘ra, amaki va tog‘alarning hukmlari ham mahramiyat e’tiboridan yaqinlik darajalari sanalgan kishilar bilan birdir. Amaki va tog‘alar ota hukmida bo‘lgani uchun oyatda alohida sanalmagan. Oyatda aytib o‘tilgan qarindosh erkaklar ayolning mahrami bo‘lgani kabi, emikdosh (bir onaning sutidan oziqlangan) aka-ukalar ham ayolning mahramlari hisoblanadi.

Manba: O‘zbekiston musulmonlari idorasi qoshidagi Mir Arab oliy madrasasi.