Turkiyada qayd etilgan zilzila Italiyada sunami keltirib chiqarishi mumkin

Bugun, 6-fevral kuni Turkiyada sodir bo‘lgan dahshatli zilzila tufayli Italiyaning bir qator qirg‘oqbo‘yi mintaqalarida sunami xavfi e’lon qilindi.

Italiya fuqarolik mudofaasi xizmati xabariga ko‘ra, Sitsiliya, Kalabriya va Pugliyadagi temir yo’llarda harakat vaqtincha to‘xtatilgan va boshqa bir qator ehtiyot choralari ko‘rilgan.

“– Italiya qirg‘oqlari aholisidan mahalliy vaqt bilan ertalab soat 06:30 dan boshlab maxsus signal tugashi e’lon qilingunga qadar (zilzila bilan bog‘liq) qirg‘oq va uning yaqinida bo‘lmasliklari so‘raladi”, – deyiladi mamlakat fuqarolik mudofaasi xizmati xabarida.

Shuningdek, aholiga sohilbo‘yi hududlardan uzoqlashish, yuqoriroq zonaga chiqish va mahalliy hokimiyat ko‘rsatmalariga rioya qilish tavsiya etilmoqda.

Oxirgi ma’lumotlarga ko‘ra, tabiiy ofat sababli Turkiyaning 10 ta viloyatida 284 nafar kishi halok bo’lgan, jarohatlanganlar soni esa 2 323 nafarga yetgan.

Ma‘lumot uchun, Yevropa-O’rtayer dengizi seysmologiya markazi ma’lumotlariga ko‘ra, zilzila epitsentri aholi punktidan 37 km uzoqlikda, 10 km chuqurlikda bo’lgan. Shundan so’ng birgina Turkiyaning o’zida 42 marta qayta yer silkinishi sodir bo’lgan, shundan 6 tasining kuchi 6 magnitudan yuqori bo’lgan. Turkiya janubidagi Gaziantep qal’asi va Suriyadagi Aleppo qal’asi ham zilzila oqibatida shikastlangan