Buxoro IIB xodimlari g‘olib bo‘lgan sambo bo‘yicha O‘zbekiston chempionatiga G‘ofur Rahimov ham tashrif buyurdi — foto

Xabaringiz bor, 2023-yilning 17-fevral kuni poytaxtimiz Toshkent shahridagi “Jar” sport majmuasida sambo bo‘yicha kattalar o‘rtasida O‘zbekiston chempionatiga start berilgan edi.

O‘zbekiston sambo assotsiatsiyasining ma’lumotlariga ko‘ra, ushbu musobaqada respublikamizning turli hududlaridan 550 nafardan ortiq ishtirokchi sovrinli o‘rinlar uchun kurash olib borib, ishtirokchilar erkaklar, ayollar va jangovar sambo yo‘nalishlarida 7 tadan, umumiy hisobda 21 ta vazn toifasida medallar uchun bellashdilar.

Shuningdek, O‘zbekiston professional boks federatsiyasi raisi o‘rinbosari G‘ofur Rahimov ham sambo bo‘yicha o‘tkazilgan mazkur O‘zbekiston chempionatiga martabali mehmon sifatida tashrif buyurdi va sportchilarni taqdirlash marosimida ishtirok etdi.

Quvonarlisi, chempionat g‘oliblari safida Sharif Qo‘shshayev (1-o‘rin), Nurbek To‘rayev (1-o‘rin), Ubaydullo Mo‘minov (3-o‘rin), Xudoyor Ibrohimov (3-o‘rin) singari Buxoro viloyati IIB xodimlari ham bor.

Tahririyatimiz nomidan buxorolik azamatlarni O‘zbekiston birinchiligida erishgan zafarlari bilan muborakbod etib qolamiz!