“Sun’iy intellekt – insoniyat uchun asosiy tahdid” — Ilon Mask

Amerikalik eng boy tadbirkor, Tesla, SpaceX va Twitter rahbari Ilon Mask sun’iy intellektni insoniyat uchun asosiy xavf deb hisoblaydi. Bu haqda u Dubayda bo‘lib o‘tgan Jahon hukumatlarii sammitidagi nutqida ma’lum qildi. Videoaloqa orqali ishtirok etgan milliarder shuningdek, sun’iy idrok, shu bilan birga, juda katta imkoniyatlarga ham egaligini qo‘shimcha qilgan.

“Sun’iy intelektning ijobiy va salbiy tomonlari bor. Uni qo‘llash istiqbollari juda katta, lekin u katta xavf ham tug‘diradi. Masalan, atom energiyasini olaylik. Bizda yadroviy energiya ishlab chiqarish va yadroviy bombalar mavjud. Shuning uchun, menimcha, biz ma’lum darajada bu haqda tashvishlanishimiz kerak”, – degan Ilon Mask o‘z nutqida.

U yana sun’iy intellekt uchun muayyan tartibga solish usullari (cheklov va b.) ni topish kerakligi ta’kidlagan.