Angry Birds o‘yini Play Store dan olib tashlanmoqda

Sensorli smartfonlar uchun chiqarilgan Angry Birds o‘yini bundan bir necha yil oldin juda immalashib ketgan edi. O‘yin shu qadar mashhur bo‘lib ketgan ediki, hozirda uning animatsion filmlari ham ishlangan. Biroq, afsonaviy o‘yinning original qismi endilikda Androidlarning ilovalar do‘koni – Play Store da nolib tashlanmoqda.

O‘yin ishlab chiqaruvchisi hisoblangan Rovio Entertainment kompaniyasi o‘zining Twitter-sahifasida bu haqda e’lon qildi.

«Rovio Classics: Angry Birds», ya’ni original Angry Birds o‘yini 26-fevral kuni Google Play Store dan olib tashlanadi”, deyiladi Rovio Entertainment kompaniyasi xabarida.

Qizig‘i shundaki, o‘yinning iOS versiyasi App Store da qoladi, lekin uning nomi “Red’s First Flight” ga o‘zgartiriladi.

The Verge nashrining yozishicha, Rovio Entertainment o‘zining original Angry Birds o‘yinini odamlarni daromad olib keladigan boshqa Angry Birds o‘yinlariga undash uchun olib tashlamoqda. Albatta, hozirgi original Angry Birds ham pulli ($1) lekin u nisbatan kam daromad olib kelmoqda.

Yangi “Red’s First Flight” ni iPhone ilovalar do‘konidan topishingiz ancha qiyinlashadi. Qolaversa, Rovio Entertainment o‘z bayonotida o‘yin keyinchalik App Store dan ham olib tashlanashiga shma qilgan

Eslatib o‘tamiz, Angry Birds o‘yini ilk marotaba 2009-yilda chiqarilgan. Oradan 10 yil o‘tgach esa esa original o‘yin va uning bir nechta davomiy qismlari Play Store va App Store dan olib tashlangan. 2022-yil mart oyi oxirida Rovio Entertainment original o‘yinni pullik qilib, ilovalar do‘konlariga qaytaradi.