Nokia 60 yil ichida birinchi marta logotipini o‘zgartirdi

“Nokia” jompaniyasi vakillari bugun 60 yil ichida ilk marotaba kompaniya logotipini o‘zgartirish rejalarini e’lon qilishdi.

Yangi logotipda dizaynerlar kompaniya nomining qisqartirilgan harflaridan foydalanadilar, ular ayni paytda avvalgilariga qaraganda ingichkaroq hamdir, ranglar sxemasi ham o‘zgaradi.

“– Eski logotip kompaniyani mobil telefonlar bilan bog‘lagan. Biz endi biznes uchun texnologik kompaniyamiz”, – dedi Nokia bosh direktori Pekka Lundmark.

Uning aytishicha, 2022-yilda korporativ biznes segmenti 21% ga o‘sgan va hozirda kompaniya umumiy savdosining 8% ni (~2 milliard yevro) tashkil etadi. Endilikda bu ko‘rsatkichni oshirish rejalashtirilgan.

“– Endi biz faqat ulkan salohiyatga ega bo‘lgan va yetakchi bo‘la oladigan korxonalar va sohalarga sarmoya kiritmoqchimiz”, – dedi Nokia bosh direktori Pekka Lundmark.

Kompaniya rahbari brendni qayta ishga tushirish va asosiy e’tiborni 5G tarmoqlarini rivojlantirish va sanoatni raqamlashtirishga qaratish niyatida ekanligini ham aytgan