NASA: 4 ta ulkan asteroid Yerga yaqinlashmoqda

Yaqin kunlarda Yer yonidan 4 ta yirik asteroid uchib o‘tadi. Bu haqda NASA ma’lumotlariga tayanib, “Times Now” nashri xabar bermoqda.

Olimlarning ta’kidlashicha, ular Yer aholisi uchun xavf tug‘dirmaydi, chunki ushbu asteroidlar sayyoramizdan 3 500 000 km uzoq bo‘lgan masofada o‘tib ketadi.

“NASA potentsial xavfli asteroidlar ro‘yxatiga Yerga 7 500 000 km yaqinroq masofada uchib o‘tadigan va diametri 150 metrdan ortiq bo‘lgan obyektlarni kiritadi”, – deyiladi kosmik agentlik xabarida.

Ma’lum qilinishicha, sayyoramizga yaqin kelayotgan asteroidlar orasida diametri 137 metr bo’lgan 2012 DK31 nomli asteroid ham bor, u Yerdan 4 800 000 km uzoqlikdan uchib o‘tadi. Yana bir asteroid 2006 BE55 bo‘lib, uning diametri 137 metrni tashkil etadi va sayyoramizdan 3 500 000 km masofa uzoqlikda uchadi.

NASA ma’lumotlaiga ko‘ra, 2023-yilning 3-mart kuni Yer atrofiidan yana 2 ta yirik asteroid – diametri 213 metr bo’lgan 2007 ED125 va diametri 76 metr bo’lgan 2021 QW uchib o‘tadi.