AQSh prezidenti koʻkragida operatsiyani boshdan kechirdi

AQSh prezidentini davolovchi vrach Kevin OʼKonnor boshchiligidagi shifokorlar jamoasi Jo Baydenning koʻkragidagi kichik saraton oʻsimtasini olib tashlashdi. Bu haqda Oq uy ma’muriyati xabar bermoqda. Qayd etilishicha, endi qoʻshimcha davolash talab etilmaydi.

“– 16-fevral kuni prezident muntazam tibbiy koʻrik doirasida koʻkrak qafasidan terining kasallangan joyi olib tashlandi”, – dedi AQSh prezidentining shaxsiy shifokori OʼKonnor.

Shu bilan birga, vrach kasallangan hujayralar tarqalishga yoki metastaz berishga moyil emasligini taʼkidlab, prezident Jo Bayden endilikda dermatologning doimiy kuzatuvida boʻlishini qoʻshimcha qildi.

Eslatib oʻtamiz, 17-fevral kuni OʼKonnor Baydenning sogʻligʻi unga AQSh prezidenti lavozimini keyingi saylovlarda ham egallashga imkon berishini aytgan edi.

“– Prezident Jo Bayden 80 yoshli sogʻlom, baquvvat qariya boʻlib, u prezidentlik vazifalarini, jumladan, hukumat va davlat rahbari va oliy qoʻmondonlik vazifalarini muvaffaqiyatli bajarishga qodir”, — degan shifokor.