Musulmonning musulmon ustidagi haqqi haqida bilasizmi?

Abu Hurayradan roziyallohu anhudan rivoyat qilinadi: Rasululloh sollallohu alayhi vasallam musulmonning musulmon usidagi haqqi beshtadir, – dedilar:

1. Salomga alik olish;
2. Kasalni borib ko‘rish;
3. Janozaga ergashish;
4. (Taom yoki boshqa biror narsaga) chaqirganga javob qilish;
5. Aksa urganga javob qaytarish. (Imom Buxoriy rivoyati).

Muslimning rivoyatida esa bunday keltiriladi: Musulmonning musulmondagi haqqi oltitadir:

1. Yo‘liqqanda salom berish.
2. (Taom yoki boshqa biror narsaga) chaqirganga javob qilish.
3. Nasihat talab etsa, nasihat qilish.
4. Agar aksa urib, hamd aytsa, “Yarhamukalloh” deb javob qaytarish.
5. Kasal bo‘lsa, borib ko‘rish.
6. Janozasida qatnashish (Imom Buxoriy va Muslim rivoyati).

Manba: O‘zbekiston musulmonlari idorasi Buxoro viloyati vakilligi.