Buxoroda kontrakt uchun 50% dan 80% gacha chegirma beradigan universitet olimpiada o‘tkazdi

Toshkent shahridagi Adju universiteti tomonidan umumta’lim maktablari, akademik liseylar va kollej bitiruvchilari o‘rtasida matematika fanidan o‘tkazilgan mazkur olimpiadada 198 nafar o‘quvchilar ishtirok etdi. Bu haqda Buxoro viloyati maktabgacha va maktab ta’limi boshqarmasi xabar qildi.

Olimpiada ingliz tilida 2 turda tashkil qilinib, dastlabki turda ishtirokchilarga qiyinchilik darajasi turli xil bo‘lgan 5 ta topshiriq, 2-turda esa 30 ta savoldan iborat test topshiriqlari berildi.

Umumiy natijalarga ko‘ra, ishtirokchilar orasidan yig‘ilgan ballar ketma-ketligida 3 nafar g‘olib aniqlanadi va bu g‘oliblar Toshkent shahridagi Adju universitetida 4 yil davomida shartnoma asosida o‘qish summasining 80% miqdoridagi chegirmasiga ega bo‘ladilar.

Qolgan ishtirokchilar esa universitetda shartnoma asosida o‘qish summasining 50% miqdoridagi chegirmaga ega bo‘ladi va sertifikat bilan taqdirlanadi.