Yangi aviakompaniya Buxoroga ilk parvozini amalga oshirdi

Bugun, 25-aprel kuni soat 11:20 da O‘zbekistondagi yangi “Silk Avia” aviakompaniyasining “Toshkent – Buxoro – Urganch” yo‘nalishida ilk marotaba harakatlanayotgan ATR-72-600 havo kemasi havo bortida 36 yo‘lovchi bilan “Buxoro xalqaro aeroporti” ga kelib qo‘ndi. Bu haqda aeroport matbuot xizmati xabar qilmoqda.

An’anaga binoan havo kemasi suvli arka, ekipaj va yo‘lovchilar esa karnay-surnay sadolari ostida tantanali ravishda kutib olindi.

Eslatib o‘tamiz, “Silk Avia” aviakompaniyasi quyidagi yo‘nalishlarda parvozlarni amalga oshiradi:

“Toshkent – Buxoro – Urganch” yo‘nalishi
haftasiga 5 marta

“Urganch – Buxoro – Toshkent” yo‘nalishi
haftasiga 5 marta

Shubhasiz, ushbu yo‘nalishdagi yangi reyslarning yo‘lga qo‘yilishi aholining hududiy havo transportiga bo‘lgan ehtiyojini qondirishga hamda ziyorat turizmi rivojlanishida ko‘maklashadi.