16.04.2021
    -
  • -
  • -
  • -
  • -
  • -
photo 134

 55 

Buxoro shahrida Rossiyaga jo‘natish uchun soxta aviachiptalar tayyorlab, 17 nafar fuqaroni 22,1 ming dollarga chuv tushirganlar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti axborot xizmati xabar berdi.

Unga ko‘ra, holat departamentning Buxoro shahar bo‘limi tomonidan o‘tkazilgan tergovga qadar tekshiruvda aniqlangan. Fuqaro S. S. va S. R. oldindan til biriktirib, Rossiya hududiga kirishga ruxsat etuvchi hujjatlarni tanishlari orqali olib berishga ishontirgan. Ular buning evaziga fuqarolarining har biridan 1300 dollar olib, Buxoro–Jukovskiy charter aviareysiga soxta chiptalarni tayyorlab bergan.

photo 135

Ma’lum bo‘lishicha, ular jami 17 nafar fuqaroning 22 100 AQSH dollarini firibgarlik yo‘li bilan qo‘lga kiritgan. Mazkur holat yuzasidan S. S. va S. R. ga nisbatan Jinoyat kodeksining 168-moddasi (Firibgarlik), 28, 211-moddasi (Pora berish) va 228-moddasi (Hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.

Fikr bildirish

• • • • • • • • • • • • • • • • • • • • •