Texnologiyalar

Google kompaniyasi muhandisi Telegramda jiddiy zaiflik topgani rostmi?

photo
Foto: Free stock

Loading

Kuni kecha Google kompaniyasi muhandisi bo‘lib ishlaydigan Dan Reva Telegramning MacOS versiyasida hakerga kompyuterning kamera va mikrofonidan foydalanish imkonini beradigan xavfsizlik zaifligini topgan.

Qayd etilishicha, muhandis mazkur kamchilik haqida Telegram jamoasini ogohlantirgan, lekin messenjer rahbariyati javob unga javob bermagan. Shu sababli ham zaiflik kiberxavfsizlik bo‘yicha tadqiqotchi Mett Yoxansen blogi orqali ommaga havola etilgan.

Tadqiqotchining Twitter sahifasida yozilishicha, yuqoridagi zaiflik messenjerning macOS uchun mo‘ljallangan ilovasida “Dylib” kutubxonasini tadbiq etishda kelib chiqqan.

Telegram rahbariyatiga yaqin hisoblangan “Kod Durova” nashrinining ma’lum qilishicha, zaiflik umuman olganda foydalanuvchi maxfiyligini xatarga qo‘ymaydi. Chunki, yuqoridagi holat yuzaga kelishi uchun zararli dastur oldindan MacOS ga o‘rnatilgan bo‘lishi va tizimda “root” qo‘lga kiritilgan bo‘lishi kerak.

Telegram asoschisi Pavel Durov ham bunga o‘z munosabatini bildirdi. Xususan, u messenjer tomonidan bu zaiflikni yopadigan xavfsizlik yangilanishi allaqachon App Store da mavjud ekanligini ta’kidladi.

Shuningdek ma’lum qilinishicha, rasmiy Telegram saytidan yuklab olingan ilovada bunday zaiflik bo‘lmagan va foydalanuvchilar maxfiyligi umuman xavf ostida bo‘lmagan.

Muhokama qilish (0 ta sharh)

Javob berish


  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.