Buxoroda ichida 25 ta bola bo‘lgan Spark to‘xtatildi (video)

Buxoro viloyati G‘ijduvon tumanida Spark mashinasiga 25 nafar bolani mindirib olgan ayol to‘xtatib qolindi. Bu haqda Buxoro viloyati IIB YHXB Axborot xizmati xabar bermoqda.

Ma’lum qilinishicha, xususiy bog‘chada ishlovchi haydovchi ayol bolalarni uylariga shu tarzda olib ketayotgan vaqtda viloyat yo‘l harakati inspektorlari tomonidan to‘xtatib qolingan.

Yuqoridagi kadrlarda bolalarning kamida 5 nafari old o‘rindiqda, 3 nafari yukxonada, qolganlari esa orqa o‘rindiq va ular oralig‘idagi joyda ketayotganini ko‘rish mumkin.

Mazkur holat yuzasidan haydovchining mahallasida mas’ullar va keng jamoatchilik bilan muhokama qilingan, haydovchiga nisbatan qanday jazo chorasi qo‘llanilgani noma’lum.