Buxoroda gaz plitalari uchun ehtiyot qismlarini noqonuniy olib o‘tmoqchi bo‘lishdi

Kuni kecha Buxoro viloyati bojxona boshqarmasining “Olot” chegara bojxona postiga xorijiy yo‘nalish bo‘ylab harakatlanib kirib kelgan yuklar tegishli tartibda bojxona nazoratidan o‘tkazildi.

Avvalo, mazkur yuklar Z-Portal inspeksion ko‘rik majmuasida skanerdan o‘tkazildi. Tovarlarning rentgen tasvirlari va bojxona yuk deklaratsiyasida aniqlangan tafovut esa, bojxona ko‘rigidan o‘tkazish lozimligini ko‘rsatdi.Natijada, tegishli hujjatlarda qayd etilmagan, umumiy qiymati 493 mln so‘mni tashkil etuvchi gaz plita ehtiyot qismlari borligi o‘z tasdig‘ini topdi.

Eslatib o‘tamiz, xuddi shunday qonunbuzarlik holatiga joriy yilning 19-iyulida ham bartaraf etilgan bo‘lib, aniqlangan har ikkala holatda jami 672 mln so‘mlik noqonuniy tovar aylanmasiga chek qo‘yilgan.