Kontrakt to‘lovlarining 50% ni yanvar oyi oxirigacha to‘lash mumkin

Talabalar uchun to‘lov-kontrakt mablag‘larini to‘lash muddati 2026-yil 31-yanvarga qadar uzaytirildi. Bu haqda Oliy ta’lim, fan va innovatsiyalar vazirligi xabar berdi.

Qayd etilishicha, davlat komissiyasining tegishli bayoni bilan 2025/2026-o‘quv yilida oliy ta’lim tashkilotlarining bakalavriat hamda magistratura talabalari uchun to‘lovlarni amalga oshirish va talabalar safiga qabul qilishni rasmiylashtirishning muddati 2026-yilning 31-yanvarga qadar (shu kuni ham) uzaytirildi.

Bunda:

– qabul parametri doirasida o‘qishga tavsiya etilgan abituriyentlar bazaviy to‘lov-kontrakt shaklida 1 yillik o‘qitish qiymatining kamida 50% miqdorida;

– tabaqalashtirilgan to‘lov-kontrakt (super) asosida o‘qish istagini bildirganlar, ular uchun belgilangan bir yillik o‘qitish qiymatining kamida 50% miqdoridagi to‘lovlarni amalga oshirishi lozim.

Qayd etish joiz, amaldagi tartibga ko‘ra, ikkinchi va undan yuqori bosqich talabalar kontraktini to‘lash muddati OTM rahbari tomonidan uzaytirilishi mumkin.