Bosh prokuratura vakillari Buxoroda aholi bilan sayyor uchrashuv o‘tkazdi

Joriy yilning 24- va 25-mart kunlari Bosh prokuratura ishchi guruhi tomonidan Buxoro viloyatining tuman va shaharlarida jinoyatchilikka qarshi kurashish va huquqbuzarlikning oldini olish bo‘yicha amalga oshirilayotgan ishlar hamda “Zarbdor oyligi” jarayoni o‘tkazilishi o‘rganildi.

Xususan, boshqarma boshliqlari Baxtiyar Babadjanov hamda Latif Jalovlar “qizil” hududga kirgan Buxoro tumanidagi, “Rabotak”, “Oybek”, Kogon tumanidagi “O‘zbekiston”, “Oybek”, Kogon shahridagi “A. Navoiy”, “Beruniy”, Vobkent tumanidagi “Rabotoxun” mahalla fuqarolar yig‘inida bo‘lib, jinoyatchilikka qarshi kurashish va huquqbuzarliklarni oldini olishga qaratilgan ishlar bilan yaqindan tanishishdi.

Mas’ullarga sohaga butunlay boshqacha nigoh bilan yondashish, har bir shaxs bilan individual tarzda ish olib borish hamda bu boradagi amaliy ishlarni jadallashtirish bo‘yicha tegishli topshiriq va ko‘rsatmalar berildi.

Foto: Buxoro viloyati prokuraturasi Matbuot xizmati