13.05.2021
    -
  • -
  • -
  • -
  • -
  • -
photo 168

 145 

Prezidentning «Keksalar va nogironligi bo‘lgan shaxslarni ijtimoiy qo‘llab-quvvatlash, Saxovat va Muruvvat internat uylari tizimini yanada rivojlantirish to‘g‘risida»gi farmoniga muvofiq, 2021-yil 1-apreldan:

«Saxovat» va «Muruvvat» internat uylari hamda Urush va mehnat faxriylari uchun respublika pansionatining:

– rahbar va shifokorlar oylik lavozim maoshi 1,5 barobarga;
– o‘rta va kichik tibbiyot xodimlari oylik lavozim maoshi 2 barobarga;
– boshqa barcha xodimlar oylik lavozim maoshi 1,2 barobarga;
– Agentlik markaziy apparati xodimlarining oylik lavozim maoshi 1,5 barobarga, uning hududiy boshqarmalari va tuman (shahar) bo‘limlari hamda Respublika tibbiy-ijtimoiy ekspertiza inspeksiyasi markaziy apparati va uning hududiy komissiyalari xodimlari oylik lavozim maoshi 1,2 barobarga;
– «Saxovat» internat uylari hamda Urush va mehnat faxriylari uchun respublika pansionatida yashovchi yolg‘iz pensionerlarga shaxsiy sarf-xarajatlari uchun kamida to‘lanadigan oylik pensiya miqdori 10% dan 20% gacha oshiriladi.

Qayd etilishicha, urush va mehnat faxriylari uchun respublika pansionatida zamonaviy fizioterapiya bo‘limi tashkil etiladi. Shuningdek, 2021–2024-yillarda tuman (shahar) tibbiy-ijtimoiy xizmatlarni rivojlantirish bo‘limlarida ishlovchi ijtimoiy xodimlarning oliy ma’lumot olishi uchun respublika OTM larida maqsadli kvotalar ajratiladi.

2021-yil may oyidan «Saxovat» internat uylari hamda Urush va mehnat faxriylari uchun respublika pancionatidagi keksalar va nogironligi bo‘lgan shaxslarni har yili 1 marta sanatoriylarda bepul sog‘lomlashtirish tashkil etiladi. 2021-yil 1-apreldan «Saxovat» va «Muruvvat» internat uylarida 1 nafardan kutubxonachi shtat birligi joriy etiladi.

Fikr bildirish

• • • • • • • • • • • • • • • • • • • • •