Qidiruvdagi shofirkonlik firibgar qiz shaharda qo‘lga olindi

Shofirkon tumani IIB tezkor xodimlari tomonidan qidiruv e’lon qilingan qiz qo‘lga olindi, –deya xabar bermoqda Buxoro viloyati Ichki Ishlar Boshqarmasi.

O‘zbekiston Respublikasi JK ning 48/1, 169-moddasi 2-qismida ko‘rsatilgan jinoyatni sodir qilib, sud organlaridan yashiringanligi uchun Jinoyat ishlari bo‘yicha Shofirkon tuman sudi tomonidan 2021-yil 16-mart kunidan beri qidiruv e’lon qilingan, Shofirkon tumani Do‘rmen mahallasida ro‘yxatda turuvchi, muqaddam o‘g‘irlik jinoyatlari uchun sudlangan 1994-yilda tug‘ilgan qiz Q. U. tuman Ichki ichki ishlar bo‘limi jinoyat qidiruv xizmati xodimlari tomonidan o‘tkazilgan tezkor qidiruv tadbiri davomida Buxoro shahri hududida yashirinib yurgan joyi aniqlanib, qo‘lga olindi va Buxoro viloyat Ichki ishlar boshqarmasi Probatsiya va Jazoni ijro etish bo‘limiga qarashli 4-son Tergov hibsxonasiga joylashtirildi.