24.07.2021
    -
  • -
  • -
  • -
  • -
  • -
photo 04 13

 77 

Ishchi guruh tashrifining birinchi kuni hududlarda jinoyatchilikka qarshi kurashish va huquqbuzarliklarni oldini olishga qaratilgan ishlar bilan yaqindan tanishildi, deya xabar bermoqda Buxoro viloyati IIB Matbuot xizmati.

Mas’ullarga ushbu sohaga butunlay boshqacha nigoh va mas’uliyat bilan yondashish, tadbirlarni mahallabay tashkil etish, jinoyat sodir etishga moyil bo‘lgan shaxslar toifasini aniq belgilab, har bir shaxs bilan individual tarzda ish olib borish bo‘yicha tegishli topshiriqlar berildi.

Buxoro viloyatining barcha huquqni muhofaza qiluvchi organlari xodimlari bilan o‘tkazilgan o‘quv-seminar mashg‘ulotida “Elektron jinoiy-huquqiy statistika” yagona axborot tizimi va “E-material” elektron tizimi bilan ishlash, tizimning imkoniyatlari hamda ushbu sohada yuzaga kelayotgan muammolar yuzasidan tushuntirishlar berildi.

Ikkinchi kuni mas’ullar raisligida fosh etilmagan qotillik va bosqinchilik bo‘yicha jinoyat ishlari yuzasidan o‘tkazilgan tergov-tezkor harakatlar natijalari muhokama qilindi.

  • photo 01 15

Mazkur jinoyat ishlari bo‘yicha tergov va tezkor-qidiruv tadbirlarining to‘liqligi, qonuniyligi, qidiruvdagi shaxslarni ushlash hamda jinoyatlarni fosh etish borasidagi kamchiliklar tanqid qilinib, bu borada amalga oshirilishi lozim bo‘lgan vazifalar belgilab berildi.

Foto: Buxoro viloyati IIB Matbuot xizmati

Fikr bildirish

• • • • • • • • • • • • • • • • • • • • •