Munajjimlar bashorati (25.02.2026)

2026-yilning 25-fevral, chorshanba kuni uchun munajjimlar bashorati

Qo‘y (21.03 — 20.04)

Muhabbatda dangal va qat’iyatli bo‘ling. Shunda juftingizning sizga bo‘lgan mehri ortishi mumkin.

Buzoq (21.04 — 21.05)

Spirtli ichimlik iste’molidan yuz o‘giring. Bu sog‘lig‘ingizga salbiy ta’sir ko‘rsatishi mumkin.

Egizaklar (22.05 — 21.06)

Moliyaviy jihatdan muammo bo‘lmaydi. Bankdan kredit olmasangiz yo tanishlardan qarz ko‘tarmasangiz albatta.

Qisqichbaqa (22.06 — 23.07)

Kun davomida ortingizdan g‘iybatingizni qilayotganlar haqida xabar topasiz. Bunday vaziyatda faqat sukut yordam bera oladi. Ugina g‘alabaga olib boradi.

Arslon (24.07 — 23.08)

Kechqurun moddiy jihatdan boshqa kunlardagiga qaraganda, ancha boyib qolishingiz kutiladi. Ammo pulni tejab ishlating.

Parizod (24.08 — 23.09)

Oilali bo‘lsangiz, ko‘cha ko‘ngilxushliklariga zinhor yo‘l bera ko‘rmang. Bu yuzingizni shuvut qilibgina qolmay, baxtsiz ham qiladi.

Tarozi (24.09 — 23.10)

Ishni katta-kichikka ajratmay, astoydil ter to‘kavering. Daromadini albatta olasiz.

Chayon (24.10 — 22.11)

Yaqin o‘tmishda qolgan muammolarni qayta yodga olmang. Ular ruhingizni tushirishdan boshqasiga yaramaydi.

O‘qotar (23.11 — 21.12)

Ichki olamingizni tinchlantirish harakatiga tushing. Ko‘proq kitob mutolaa qiling, aqlli odamlar bilan suhbatlashishga intiling.

Tog‘ echkisi (22.12 — 20.01)

Kechqurun ovqatlanish me’yorlarini va rejimini esga olib qo‘ysangiz, foydadan xoli bo‘lmasdi.

Qovg‘a (21.01 — 19.02)

Taqdir in’om etadigan har bir yaxshilikni o‘zingizda olib qolishga harakat qiling. Og‘ir vaziyatda qolsangiz, sabrga yo‘l bering.

Baliq (20.02 — 20.03)

Bugun ishxonangizda birinchi raqamli xodim ekaningizni yana bir karra anglab yetasiz. Shubhalar ortga chekinadi.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…