Munajjimlar bashorati (03.03.2026)

2026-yilning 3-mart, seshanba kuni uchun munajjimlar bashorati

Qo‘y (21.03 — 20.04)

Kuningiz juda qiziqarli kechishi kutilmoqda. Kechqurun oilangiz davrasidagina vaqt o‘tkazing, dam oling. Sog‘lig‘ingizni asrang.

Buzoq (21.04 — 21.05)

Kuningiz xoh ish, xoh shaxsiy hayotda bo‘lsin, chalkashliklardan iborat bo‘lishi kutiladi. Qancha harakat qilmang, kuyinmang, baribir ularni tartibga sola olmaysiz.

Egizaklar (22.05 — 21.06)

Ishlaringiz keragidan ham ko‘proq bo‘ladi. Shuning uchun astoydil yeng shimarib ishga kirishmasangiz bo‘lmaydi.

Qisqichbaqa (22.06 — 23.07)

Ro‘zg‘or ikir-chikirlari masalasida qarindoshlar bilan fikrlaringiz qarama-qarshi bo‘lib chiqishi ham ehtimoldan xoli emas.

Arslon (24.07 — 23.08)

Kun davomida ishlaringiz faqat baroridan kelishi kutiladi. Bu kayfiyatga ham, uydagi manzaraga ham ijobiy ta’sir ko‘rsatmay qolmaydi albatta.

Parizod (24.08 — 23.09)

Har qanday vaziyatda bardoshli bo‘ling. Og‘ir-bosiq, diplomatlarcha ish ko‘ring. Bugun tunda uxlab ko‘radigan tushingiz o‘ngidan kelishi mumkin.

Tarozi (24.09 — 23.10)

Bugun birinchi qiladigan ishingiz o‘zgalarning janjallarini bartaraf etishdan iborat bo‘lishi mumkin.

Chayon (24.10 — 22.11)

Moliyaviy operatsiyalar, yirik xaridlar va shaxsiy ish bilan yaqin manzilga safar qilish omadli kechishi kutilmoqda.

O‘qotar (23.11 — 21.12)

Bugungi kuningiz juda yoqimli kechadi. Uni hatto ko‘chadagi ob-havoning buzuq avzoyi ham yo‘qota olmaydi. Asosiysi atrofingizda faqat o‘zingiz yoqtirgan tarafdorlar bo‘lishini ta’minlang.

Tog‘ echkisi (22.12 — 20.01)

Oila qurmagan do‘stlarimizni kechqurun romantik uchrashuvga taklif etishmoqchi. Aslo bosh torta ko‘rmang.

Qovg‘a (21.01 — 19.02)

Bugun ishxonangizda zimmangizga yangi majburiyat yuklanadi.

Baliq (20.02 — 20.03)

Qizlar, ayollar go‘zallik saloniga mo‘ralab qo‘yishsa ham foydadan holi bo‘lmaydi. Bularning barchasi emotsiya jilovga tushishida katta yordam beradi.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…