Munajjimlar bashorati (05.03.2026)

2026-yilning 4-mart, chorshanba kuni uchun munajjimlar bashorati

Qo‘y (21.03 — 20.04)

Juftingiz bilan har bir ishga qo‘l urishdan oldin albatta maslahatlashing. “Er-xotin— qo‘sh ho‘kiz” deb bekorga aytishmagan.

Buzoq (21.04 — 21.05)

Shaxsiy hayotdagi muammolarni ijobiy hal etishda xudbinlik kerak bo‘ladi. Lekin uni haddidan oshirib yubormang. Me’yorni biling.

Egizaklar (22.05 — 21.06)

Ijodkor bo‘lsangiz, kun davomida muxlis va muxlisalaringiz siz tomon talpinishdan tiyila olmay halak bo‘lishadi.

Qisqichbaqa (22.06 — 23.07)

Kechqurun juftingiz yoki yaqin qarindoshlar bilan do‘kon aylanishingiz, o‘zingiz yoqtirgan buyumlarni xarid qilishingiz mumkin.

Arslon (24.07 — 23.08)

Bugun ishxonadagi yumushlarni faqat mustaqil tarzda, o‘zgalar yordamiga tayanmagan holda bajarishingiz kerak bo‘ladi.

Parizod (24.08 — 23.09)

Miyangizni yangi-yangi g‘oyalar chulg‘ab turibdi. O‘shalarni haqiqatga aylantirish harakatida bo‘ling.

Tarozi (24.09 — 23.10)

Yomonlar maslahatiga quloq tutib qo‘ymang. Boshingizdan o‘tayotgan va o‘tadigan hodisalarga aslo hazil aralash boqmang

Chayon (24.10 — 22.11)

Afsuski, bilib-bilmay arzimas narsalarga katta pul sarflab qo‘yishingiz mumkin. Shunday ekan, oldindan buning tadorigini ko‘rib qo‘ying.

O‘qotar (23.11 — 21.12)

Bugun ruh va tana orasida garmoniya paydo bo‘lishini ta’minlashga harakat qiling.

Tog‘ echkisi (22.12 — 20.01)

Agar qimmatli va foydali buyum sotib olishni orzulagan bo‘lsangiz, mayda xaridlardan voz keching.

Qovg‘a (21.01 — 19.02)

Ruhiy holatingiz, martabangiz hamda pul jamg‘armangiz masalasida yana bir bor bosh qotiring.

Baliq (20.02 — 20.03)

O‘zingizga, dunyoga real nazar bilan boqing. Har bir ishda faollik ko‘rsating.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…