Munajjimlar bashorati (27.03.2026)

2026-yilning 27-mart, juma kuni uchun munajjimlar bashorati

Qo‘y (21.03 — 20.04)

Muammolar qalashib yotibdi. Ularni faqat o‘z kuchingiz va imkoniyatingizga suyangan holda bartaraf etishga majbursiz

Buzoq (21.04 — 21.05)

O‘z ustingizda ishlash va tashqi ko‘rinishingizga e’tibor qaratish bugun xayrli va omadli kechadi.

Egizaklar (22.05 — 21.06)

Muhabbatda qayg‘uga botadigan lahzalar ko‘zga tashlanmaydi. Yostiqdoshingizning injiqliklarini hisobga olmasa, vaqtingiz romantikaga boy o‘tishi kutilmoqda.

Qisqichbaqa (22.06 — 23.07)

Moliyaviy masalada pullarni tejang, saqlab qo‘ying. Yaxshi kunlarga sarflashni niyat qiling. Ezgu niyatlar albatta ro‘yobga chiqadi.

Arslon (24.07 — 23.08)

Og‘ir lahzalarda bo‘shashmang, kurashing, mardonalik bilan oldinga intiling. Maqsadga albatta yetasiz. Xush lahzalar albatta sizni siylaydi.

Parizod (24.08 — 23.09)

Tadbirkorlarning kuni tug‘adi. Daromadning kutilganidan ham ko‘pligi sizni mamnun etadi. Biroq pul masalasida tavakkal qilmang.

Tarozi (24.09 — 23.10)

Afsus, bugun ba’zilar moliyaviy jabhada omadsizlikka, yo‘qotishlarga yuz tutishi, allakimlar suyukli insoni bilan munosabatlarga nuqta qo‘yishi mumkin.

Chayon (24.10 — 22.11)

Muhabbatda sizga birinchi navbatda bardosh kerak. Qolaversa, juftingizga ishonishingiz zarur. Rashk qilmang.

O‘qotar (23.11 — 21.12)

Muhim ishlarni bajarishda aniq reja asosida harakatlar sodir eting. Shunda omad sizniki bo‘ladi.

Tog‘ echkisi (22.12 — 20.01)

Shaxsiy hayotda qalbingizga quloq tuting, qalbingizdan maslahat so‘rashga erinmang. U aldamaydi.

Qovg‘a (21.01 — 19.02)

Oilada kechqurun farzandlar tarbiyasiga ko‘proq e’tibor qaratib qo‘yishingiz so‘raladi.

Baliq (20.02 — 20.03)

Bugun ro‘zg‘or buyumlari, aloqa vositalari, aniqrog‘i, telefon va mebel sotib olmang. Sarflagan pullaringiz havoga uchishi mumkin.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…