Bosh og‘rig‘ini keltirib chiqaradigan mahsulotlar

Kutilmaganda paydo bo‘ladigan bosh og‘rig‘ini keltirib chiqaruvchi sabablar talaygina. Og‘riq baʼzan havodagi keskin o‘zgarish, baʼzan esa shovqin-suronli bazmda ishtirok etish natijasida sizga azob berishni boshlaydi. Daryo maqolasi shu haqida.

Biroq oramizda ko‘pchilik ayrim mahsulot isteʼmoli ham bosh og‘rig‘iga sabab bo‘lishi mumkinligi haqida bilmaydi. Kutilmaganda rejalaringizni o‘zgartirib yuboradigan bosh og‘rig‘iga duchor bo‘lishni istamasangiz, ushbu mahsulotlar isteʼmolida meʼyorni unutmang.

Tarkibida kofein saqlovchi ichimliklar

Bu siz sevib isteʼmol qiladigan qahva, choy, quvvatbaxsh ichimliklar bo‘lishi mumkin. Ularning barchasi bosh og‘rig‘ini keltirib chiqaradi. O‘tkazilgan tadqiqotlar natijasida surunkali migrendan aziyat chekuvchi insonlar kofeindan voz kechganlaridan keyin o‘zlarini avvalgidan yaxshiroq his qila boshlaganlari qayd etilgan.

Muzlatilgan mahsulotlar

Taomni shoshilib yeyish, jismoniy faollikdan keyin yoki terlagan holda muzqaymoqni paqqos tushirish, limonad, smuzi ichish bosh og‘rig‘ini keltirib chiqarishi turgan gap.​

Sho‘r ovqatlar va tuzlamalar

Ular qon bosimining ko‘tarilib ketishiga sabab bo‘ladi, bosh og‘rig‘i va migrenni keltirib chiqaradi. Tarkibida konservantlar saqlanadigan va qayta ishlov berilgan tuzlamalar esa salomatlik uchun ikki karra xavflidir.