Munajjimlar bashorati (05.04.2026)

2026-yilning 5-aprel, yakshanba kuni uchun munajjimlar bashorati

Qo‘y (21.03 — 20.04)

Rejalashtirgan barcha ishlarni bajarish uchun sizda kuch va imkoniyatlar yetarli bo‘ladi

Buzoq (21.04 — 21.05)

Juftingizdan ayrilib qolishni istamasangiz, o‘zingiz munosabatlarga iliqlik kiritishda ojiz qolayotgan bo‘lsangiz, yaqin qarindoshlarga maslahat soling.

Egizaklar (22.05 — 21.06)

Ish bajarishda faqat qalbingiz amri bilan cheklanib qolmang. Tajribangizdan ham unumli foydalaning.

Qisqichbaqa (22.06 — 23.07)

Qachonlardir xafalashib qolgan qadrdoningiz bilan bugun tasodifan uchrashib qolib, yarash oshiga hozirlik ko‘rishingiz mumkin.

Arslon (24.07 — 23.08)

Ko‘zlangan manzilga, orzularga shoshilmasdan boravering. Agar bu masalada ahvol negadir shubhali ekanini ilg‘ab qolsangiz, hammasini yig‘ishtirib qo‘ying-u, dam oling.

Parizod (24.08 — 23.09)

Muhabbatda sobiq sevgilingizni uchratib qolishingiz ehtimoli bor. Bosiqroq bo‘ling.

Tarozi (24.09 — 23.10)

Istak va xohishlaringiz bilan munosabatlarga oydinlik kiritib oling. Bo‘lmasa, o‘rgimchak to‘ridan-da chalkashroq vaziyatlarga tushib qolishingiz mumkin.

Chayon (24.10 — 22.11)

Oila qurmaganlarning aksariyatini bugun omad kutadi. Siz orzungizdagi insonni nihoyat uchratib tanishish baxtiga musharraf bo‘lasiz.

O‘qotar (23.11 — 21.12)

Ertalabdan ro‘zg‘ordagi yig‘ilib qolgan muammolarni bartaraf etishingizga to‘g‘ri keladi.

Tog‘ echkisi (22.12 — 20.01)

Omadsizlik va muvaffaqiyatsizliklardan aslo cho‘chimang. Negaki, siz har qanday og‘ir va chalkash ishlarni ham ko‘zingizni yumgan holda uddalay olasiz.

Qovg‘a (21.01 — 19.02)

Ertalab yomon kayfiyatda uyg‘onishingiz mumkin. Biroq bu juftingiz bilan azonlab janjallashish kerak degani emas.

Baliq (20.02 — 20.03)

O‘zingiz yaxshi tanimaydigan odamlarga bilib-bilmay siringizni aytib qo‘ymang. Pulingizni asrang. Xaridlarga erk bermang.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…