Buxoro yangiliklari

Olotdagi korxona omborxonasida yong‘in sodir bo‘ldi

photo 224

Loading

Bugun, 9-aprel kuni Olot tumanida joylashgan «Imronnike» MChJ omborxonasida yong‘in sodir bo‘ldi. Bu haqda Favqulodda vaziyatlar vazirligi axborot xizmati xabar berdi.

Xabarga ko‘ra, yong‘in-qutqaruv xizmatiga 9-aprel kuni soat 15:45 da Buxoro viloyati Olot tumani Xalifa mahallasida joylashgan «Imronnike» MChJ hududidagi omborxonada yong‘in sodir bo‘layotgani haqida xabar kelib tushgan. Xabar asosida voqea joyiga 7 ta yong‘in-qutqaruv ekipaji soat 15:52 da yetib borgan.

Qayd etilishicha, ko‘rilgan tezkor harakatlar natijasida yong‘in soat 16:20 da qurshab olinib, 18:26 da to‘liq bartaraf etilgan. Hodisa oqibatida korxona omborxonasi ichki qismining taxminan 200 kvadrat/metr maydoni yonib zararlangan. Yong‘indan ob’yektning 400 kvadrat metr maydoni saqlab qolingan.

Ma’lum qilinishicha, mazkur holat oqibatida tan jarohati olganlar va halok bo‘lganlar qayd etilmagan. Hozirda yong‘in sababi va moddiy zarar miqdorini aniqlash ishlari olib borilmoqda.

Muhokama qilish (0 ta sharh)

Javob berish

  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.