“Atlanta”ni o‘marmoqchi bo‘lgan peshkulik yigit qo‘lga tushdi

22-aprel kuni tungi soat 22:23 da Buxoro viloyat Qo‘riqlash boshqarmasining “Monitoring markazi” ga Buxoro shahri Alisher Navoiy ko‘chasida joylashgan “Atlanta” savdo do‘konidan “Tashvish” xabari kelib tushgan.

Voqea joyiga yetib borgan Qo‘riqlash markazi tezkor guruh xodimlari tomonidan savdo do‘konidan kiyim-kechak mahsulotlarini o‘g‘irlab qochayotgan shaxs qo‘lga olingan va Buxoro shahar IIB ga topshirilgan.

Dastlabki surishtiruv natijasida, ushbu noma’lum shaxs Buxoro viloyati Peshku tumanida yashovchi 1998-yilda tug‘ilgan fuqaro Gʻ. H. ekanligi ma’lum bo‘lgan. Hozirda surishtiruv ishlari davom etmoqda.