Buxoro xalqaro aeroportiga yangi rahbar tayinlandi

«Uzbekistan Airports» AJ boshqaruv raisi R. Djurayeva raisligida joriy yilning 28-aprel kuni Buxoro xalqaro aeroporti rahbariyati ishtirokida ko`chma yig`ilish o`tkazildi. 

Tadbirda aeroportning raqobatbardoshligini oshirish va xarajatlarni optimallashtirish dasturini amalga oshirish, shuningdek aeroportni yanada rivojlantirish bo`yicha ko‘rilayotgan chora-tadbirlar masalasi ko‘rib chiqildi. Buxoro xalqaro aeroportining yagona ta`sischisi tomonidan keng qamrovli o‘rganishlar natijasiga ko‘ra, aeroportga yangi direktor tayinlash masalasi ko`rib chiqildi hamda yagona ta`sischi tomonidan aeroportga yangi direktor tayinlash to’g’risidagi qarorori qabul qilindi hamda “Buxoro” xalqaro aeroportida 20 yil davomida mehnat qilib kelayotgan, 1977-yilda tug‘ilgan Rahimov Jaxongir Qahramonovich aeroporti direktori vazifasini bajaruvchi etib tayinlandi.

Yangi tayinlangan direktorga yangi shtat jadvalini joriy etish va «O’zbekiston aeroportlari» AJ rahbariyati bilan kelishilganidan so‘ng asosiy lavozimlarga menedjerlarni tayinlash to‘g‘risida ko‘rsatma berildi. Bundan tashqari, yig‘ilishda aeroportning xalqaro standartlarga muvofiq operatsion faoliyatini takomillashtirish, shtatlar sonini optimallashtirish va samaradorlik ko‘rsatkichlari asosida ish haqi to‘lashning yangi tizimini joriy etishni nazarda tutadigan yangi kadrlar tarkibi taqdim etildi.

Yangi rahbariyat tomonidan ishlab chiqarish-xo‘jalik faoliyatini tubdan takomillashtirish, noishlab chiqarish xarajatlarini kamaytirish va yo‘lovchilar va samolyotlarga xizmat ko‘rsatish sifatini yaxshilash bo‘yicha ustuvor vazifalar belgilab berildi.