O‘zbekiston

“Bolalar va yoshlar uchun do‘stona shahar” tashabbusi

photo 250

Loading

Respublikamiz aholisining 55% ni yoshlar tashkil etadi va ular yurtimiz kelajagi va salohiyatidir. 20 yildan so‘ng bugungi bolalar va yoshlar O‘zbekiston tarixidagi eng katta ishchi kuchiga aylanadi. Bugun yosh avlodning salohiyatini oshirishga (ta’lim, malaka, sog‘liqni saqlash) kiritilayotgan investitsiya ertaga meva bera boshlaydi, ya’ni aynan shu bolalar va yoshlar O‘zbekistonning ijtimoiy-iqtisodiy rivojlanishini yangi bosqichga olib chiqishi mumkin. Hukumatimiz tomonidan yoshlarni qo‘llab-quvvatlashga, yoshlar bilan ishlash siyosatini takomillashtirishga davlatning ustuvor yo‘nalishi sifatida eng yuqori darajada e’tibor qaratilmoqda. Jumladan, yoshlar uy-joyga ega bo‘lishiga, ta’lim olishiga, bandligiga, ijtimoiy himoyalanishiga katta mablag‘lar ajratilmoqda. Davlat rahbari yoshlar bilan muntazam muloqotda bo‘lish zarurligini ta’kidlaydi. Bu borada “Hokim va yoshlar” uchrashuvlari, Yoshlar parlamentlari muloqot uchun maydonga aylanib ulgurdi. Vazirlar, Yoshlar ishlari agentligi va Prezidentning o‘zi yoshlar bilan tez-tez uchrashmoqda, -deya yozmoqda “Yuksalish” umummilliy harakati Matbuot xizmati.

Ushbu ishlarning mantiqiy davomi va yoshlar bilan ishlashda tizimli yondashuvlar taklifi sifatida “Yuksalish” umummilliy harakati BMT ning Bolalar jamg‘armasi – UNICЕF bilan hamkorlikda “Bolalar va yoshlar uchun do‘stona shahar” global tashabbusini amalga oshiradi. Uning asosiy g‘oyasi shundan iboratki, har bir bola va yosh yigit-qiz ular uchun xavfsiz bo‘lgan, asosiy ijtimoiy xizmatlardan foydalana oladigan hamda ularning ovozlariga quloq tutib, fikr-mulohazalari e’tiborga olinadigan muhitda o‘sish va rivojlanish huquqiga ega.

Tashabbus mahalliy boshqaruv tizimida bolalar huquqlarini amalga oshirishga alohida e’tibor qaratishga hizmat qiladi, shuningdek, bolalarning fikri va ehtiyojlari davlat siyosati, dasturlari va qarorlarining ajralmas qismi bo‘lgan jamoatchilikni shakllantirishga yordam beradi.

Maqsad – bolalar va yoshlarning bevosita ularning hayotiga tegishli masalalar bo‘yicha qarorlar qabul qilishda ishtirok etishiga va tegishli ravishda joylarda harakat daturlarini ishlab chiqib, ularni amalga oshirishga yo‘naltirilgan tizimli yondashuvni qo‘llashdir.

— O‘zbekiston hukumati yoshlar imkoniyatlarini kengaytirish, ularning boshqaruvdagi ishtirokini oshirish masalalarini davlat siyosatining ustuvor yo‘nalishlaridan biriga aylantirgan, – deydi UNICЕF ning O‘zbekistondagi vakolatxonasi rahbari Munir Mamedzade. — YUNISEFning «Bolalar va yoshlarga do‘stona shahar» global tashabbusi mahalliy darajada mavjud yoshlar dasturlariga tizimli yondashishga, samarali amalga oshirish va baholashga yordam beradi. 2021 yil O‘zbekistonda «Yoshlarni qo‘llab-quvvatlash va aholi salomatligini mustahkamlash yili» deya e’lon qilingan. Men, aynan shu yilda O‘zbekistonning ushbu tashabbusga qo‘shilayotganini ma’lum qilishdan juda mamnunman.

Tashabbus doirasida quyidagi yo‘nalishlar qamrab olinadi:

  • yoshlar bandligi tizimini takomillashtirish;
  • qo‘shimcha ta’lim olish imkoniyatlarini kengaytirish;
  • yoshlar madaniyatini rivojlantirish;
  • xavfsizlik va farovon atrof-muhitni yaratish;
  • sog‘lom turmush tarzini keng targ‘ib etish.

UNICЕF bilan hamkorlikda amalga oshiriladigan mazkur tashabbus muhim bo‘lgan yana bir masalani qamrab oladi. Bu — yoshlarning davlat va jamiyat boshqaruvidagi rolini oshirish, muhim qarorlar qabul qilinishida ularning ishtirokini kengaytirish, yoshlarning ovozini eshitish, – deydi «Yuksalish» umummilliy harakati raisi Bobur Bekmurodov. — Bizning vazifamiz bu borada tizim yaratish, tadqiqotlar o‘tkazish va eng yaxshi amaliyotlarni joriy etishga qaratiladi. Tashabbusni muvaffaqiyatli amalga oshirgan shaharlarga aynan yoshlar takliflarini, muammolarini hal etish uchun qo‘shimcha moliyaviy ko‘mak ajratish ham ko‘zda tutilgan.

O‘zbekistonda “Bolalar va yoshlar uchun do‘stona shahar” dastlab turli viloyatlardagi 5 ta shaharda amalga oshiriladi. Buning uchun hamkor tashkilotlar uslubiy, texnik va moliyaviy ko‘mak beradi. Avvalo, joylarda bolalar va yoshlar uchun yaratilgan sharoitlar tahlil qilinib, ularni takomillashtirish bo‘yicha dasturlar shahar hokimlari bilan hamkorlikda ishlab chiqiladi.

Ma’lumot uchun: “Bolalar va yoshlar uchun do‘stona shahar” global tashabbusi YUNISЕF tomonidan 1996 yilda BMTning aholi punktlarini rivojlantirish masalasi bo‘yicha ikkinchi konferensiyasi rezolyutsiyasi doirasida ilgari surilgan. Bugungi kunda ushbu tashabbus dunyo bo‘ylab 3 000 ta shahar, 30 million nafar bolalar va yoshlarni qamrab olgan.

Tashabbusni amalga oshirishda, shuningdek, Oliy Majlis Senati, Yoshlar ishlari agentligi, Xalq ta’limi vazirligi va Maktabgacha ta’lim vazirligi, mahalliy hokimliklar hamkorlik qiladi.

Mazkur tashabbusni har 2 yilda 1 marta shaharlar va tuman markazlari o‘rtasida ham o‘tkazish taklif qilindi.

Muhokama qilish (0 ta sharh)

Javob berish


  • Telegram
    photo
    18.03.2024

    Buxoroda maktab o‘quvchilarini olib ketayotgan avtobus va yuk mashinasi o‘rtasida sodir bo‘lgan avariya oqibatida o‘quvchi halok bo‘ldi (video)

    photo
    29.02.2024

    Buxorodagi san’at maktabida usta pianinoni keti bilan chalgani rostmi yoxud feyk-xabar ortida nima turibdi?

    photo
    27.02.2024

    Buxorolik tadbirkorning o‘z joniga qasd qilgani rostmi yoxud yolg‘on xabar ortida shaxsiy manfaat turibdimi?

    photo
    26.02.2024

    Buxoroda aeroport orqali qadimiy tangalarni Dog‘istonga olib ketishmoqchi bo‘lishdi

    photo
    23.02.2024

    Har bir murojaat e’tiborda — Davlat kadastrlari palatasi Buxoro viloyati boshqarmasi

    photo
    09.02.2024

    Ipoteka krediti asosida olingan uy-joyni kreditni to’lamasdan boshqa shaxsga sotish mumkinmi?

    photo
    31.01.2024

    Huquqshunos sharhi: talabalar ham oliygohdan “suyunchi puli” olishga haqli

    picture
    25.01.2024

    Murodjon Umarov O‘zbekiston mahallalari uyushmasi Buxoro viloyati boshqarmasi boshlig‘i etib tayinlandi

    picture
    23.01.2024

    Jinoyat ishlari bo‘yicha Qorako‘l tumani sudi raisi Boborahim Achilovga hayfsan berildi

    picture
    19.01.2024

    “Yordam beringlar, otam onamni o‘ldiryapti!” — 20 yillik turmushdan so‘ng qorako‘llik erkak o‘z xotinini bolalari ko‘z o‘ngida o‘ldirdi

    picture
    18.01.2024

    G‘ijduvonlik “uddaburon” tanishining xonadonidan tamaki kontrabandasi uchun foydalanmoqchi bo‘ldi

    picture 1
    17.01.2024

    Markaziy bankning Buxorodagi rahbari Erkin Mansurovning 20 mln dollarlik jinoyat ishidagi aybi isbotlanmadi

    picture
    17.01.2024

    Buxoroda bojxona orqali jangovor o‘qlarni olib o‘tishga urinish bo‘ldi

    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.