Otabek Mutalxoʻjayev yana MIB ga chaqirtirildi

“Oʻtgan safar 7 mln soʻm toʻlagandim”. Otabek Mutalxoʻjayev yana MIBga chaqirtirildi. Xonanda buning sababini aytdi

Xonanda Otabek Mutalxoʻjayev oʻz Instagram sahifasida Majburiy Ijro Byurosiga jarima toʻlash uchun ketayotgani aks etgan video joyladi.

Uning soʻzlariga koʻra, ʻradarʻga koʻp tushgan. Shu sababli, xonanda Majburiy ijro byurosiga jarimalarini toʻlash uchun borgan. Otabek Mutalxoʻjayev oxirgi marta 7 million soʻm jarima toʻlaganini taʼkidladi. Shuningdek, xonanda 4 ta jarimaga tushgani uchun 1 051 580 soʻm toʻlagan.

“Assalomu aleykum, aziz doʻstlar. Hayrli kun. Mana hozir biz jarimalar koʻpayib ketgani uchun MIB ga ketyapmiz. ʻRadarʻga juda koʻp tushibman. Oxirgi marta radarga eng katta toʻlagan summam 7 million edi. Hozir yana 4 ta tushgan ekanman. Hozir koʻramiz nechchi pul boʻlgan ekan”, — deydi xonanda.