Amitabh Bachchan shou-biznesdagi sirini ochdi

“Meni shuning uchun hurmat qilishadi”, – deydi taniqli Bollivud aktyori.

Bollivudning mashhur aktyori, hind kinoyulduzi Amitabh Bachchan tomoshabin hurmatini nima oshirishi haqida soʻzladi.

Amitabh Bachchanning ijtimoiy tarmoqqa joylagan efirida u oʻzining shou-biznesdagi sirini maʼlum qildi va shu haqida izoh qoldirdi. Kino olamidagi ijrolari bilan dunyo boʻylab muxlislarini topgan aktyor uning sanʼat olamidagi siri hech qachon tomoshabinlarga orqasini oʻgirib gapirmaganligi va aynan shuning uchun aktyorni hurmat qilishlarini aytib oʻtgan.

“Agar tomoshabin hurmatini qozonishni istasangiz hech qachon unga orqangizni oʻgirmang. Shunda sizning hurmatingiz oshadi. Meni ham shuning uchun hurmat qilishsa kerak”, — deb fikr bildirgan Bollivudning mashhur kino aktyori Amitabh Bachchan.

Amitabh Bachchan hozirga qadar 100 dan ortiq kinofilmda suratga tushgan va aktyorlar reytingi boʻyicha eng yuqori oʻrinda turadi. Aktyor rol ijro etgan “Bogʻbon”, “Vir va Zara”, “Mard”, “Qasos va qonun” kabi kinofilmlar nafaqat Hindistonda, balki dunyo mamlakatlari boʻylab sevib tomosha qilinadi.