“Hatto otamning janozasiga ham kelmagan” – Hojiboy Tojiboyevning qizi Avaz Ohun haqida

Hojiboy Tojiboyevning qizi Avaz Ohunning ustozi aslida kimligini aytdi.

Soʻz ustasi Hojiboy Tojiboyevning qizi, aktrisa Intizor Tojiboyeva qiziqchi Avaz Ohunni otasining shogirdi emasligini aytdi.

Intizor Tojiboyevaning soʻzlariga koʻra, Avaz Ohunning asl ustozi Mirzabek Xolmedov. Aktrisa otasi hamma uchun ustoz ekanini, biroq Avaz Ohunni Mirzabek Xolmedov sahnaga olib chiqqanini taʼkidladi.

“U inson Mirzabek Xolmedovning shogirdi. Avaz Ohunni sahnaga olib chiqqan inson Mirzabek Xolmedov. U ʻMirzo teatrʻda chiqqan. Hojiboy Tojiboyev hamma uchun ustoz lekin bu insonning haqiqiy ustozi Mirzabek Xolmedov. Oʻsha inson sahnaga olib chiqqan. Birga ijod qilishgan. Buni hech kim bilmas ekan. Nimaga ustozi haqida gapirmay mening otamni ustoz deydi? Koʻpchilik bu insonni otamning shogirdi deb oʻylaydi lekin u otamni shunchaki parodiya qilib oʻxshatgan, xolos. Oʻzi ham ustozi deb biladi. Lekin hatto otamning janozasiga ham kelmagan. Oilasini tan olmayman degan gaplarini ham eshitganman. Bu insonga omad. Asl ustozi Mirzabek aka ekanini, undan ilm olganini, oʻtmishini ham unutmaslik kerak. Koʻpchilik shu savolni bergani uchun javob berdim. Bu insonga yomonligim yoʻq. Yaxshi ijodkor. Omadini bersin. Oʻtmishga ham qarab qoʻyish kerak”, — deydi u.