Hamdam Sobirovdan yangi klip premyerasi taqdim etildi – video

Unda bir nechta mashhur aktyor va aktrisalar rol ijro etgan.

Xonanda, “Mango” guruhining sobiq aʼzosi Hamdam Sobirov oʻzining “Maktabimda” nomli qoʻshigʻiga ishlangan klip premyerasini muxlislari eʼtiboriga havola qildi.

Unda Instabloger Dilshod Nazarov, aktrisa Rayhon Asadova hamda aktyor Abbos Bahodirov oʻynagan. Klipmeyker Doniyor Rajabov. Qoʻshiq matni va musiqasi xonandaning oʻzi tomonidan yaratilgan. Musiqiy sayqalni esa Doniyor Ahmedov qilgan.

Klip voqealarida maktab hayoti aks etgan. Uning boshida Dilshod Nazarov hamda Rayhon Asadovaning suhbati boʻladi. Ular darsda oʻtirgan payti instabloger altrisaga “Sevaman” deb yozilgan daftarni beradi. Bu yozuvni koʻrib qiz hayajonlanadi.

Biroq qizni boshqa sinfdoshi Abbos Bahodirov ham yaxshi koʻradi. U Rayhon Asadovaning yoʻlini toʻsadi. Buni Dilshod Nazarov koʻrib qoladi va u bilan janjallashadi. Klip oxiri Dilshod Nazarov va Rayhon Asadovaning velosipedda uchib ketayotgani aks etgan sahna bilan tugaydi.