Milliy gvardiya leytenanti respublika tanlovida g‘olib bo‘ldi

Bahorning ilk bayrami 8 mart – Xalqaro xotin-qizlar kuni munosabati bilan Milliy gvardiya tizimida xizmat qilib kelayotgan ayol harbiy xizmatchi va xodimlari o‘rtasida “To‘maris izdoshlari” ko‘rik-tanlovining Respublika bosqichi bo‘lib o‘tdi.

Unda tanlovning hududiy bosqichida g‘olib bo‘lgan 16 nafar qizlar g‘oliblik uchun kuch sinashdilar. Hakamlarning yakuniy xulosasiga ko‘ra 3-o‘rinni Qashqadaryo viloyati boshqarmasi sharafini himoya qilgan Umida Matyoqubova egalladi, 2-o‘rin Buxoro viloyati boshqarmasi harbiy xizmatchisi leytenant Sitorabegim Ibragimovaga nasib etdi, faxrli 1-o‘rinni Sirdaryo viloyati boshqarmasi vakilasi Mohinur Xamroqulova egalladi. Gʻolib va sovrindorlar munosib taqdirlandilar