Shahzod Sultonov Feruza Normatova bilan ishqiy munosabatda emasligini aytdi

Aktyor hamkasbini sevishini aytgan insonni urgan.

Aktyor Shahzod Sultonov Feruza Normatovani sevishini aytgan insonga hamkasbi bilan ishqiy munosabatda emasligini aytdi.

Aktrisani sevishini aytib, uni baxtli qilishini taʼkidlagan yigit Shahzod Sultonovga bir necha bor yozgan. U aktyorga haqoratli soʻzlarni ham aytgan. Shu sabab Shahzod Sultonov yigit bilan koʻrishib, muammolarini hal qilib olishni taklif qilgan. Ular koʻrishishga kelishgan.

Aktyor uning oldiga borgan. Yigit unga Feruza Normatovani tinch qoʻyishini aytgan. Shunda Shahzod Sultonov aktrisa bilan hech qanday ishqiy munosabatda emasligini taʼkidlagan. Aktyor ular shunchaki hamkasb ekani va birga ishlashini aytgan. Yigit undan umuman Feruza Normatovaning oldiga yaqinlashmasligni ogohlantirgan. Shahzod Sultonov ketmoqchi boʻlgan payti u vaynerni toʻxtatib qolmoqchi boʻlgan. Oʻsha vaqtda aktyor unga bir tarsaki tushirgan.

Bu yigit avval ham Shahzod Sultonovga nisbatan tahdid qilgandi. Shahzod Sultonov sahifasida mazkur tahdidlar aks etgan fotoni joyladi. Unga koʻra, bir yigit aktyorga tahdid bilan yozgan.

“Shunday qizni hafa qilding. Senga yana nima kerak edi. Seni muxlising edim. Nega shunday yaxshi qizlar sendaqa bolalarga uchraydi? Agar menda shunaqa qiz boʻlganida, uni malikalardek baxtli etardim. Men bilan birga-bir turasanmi?”, deya yozgan mazkur yigit.

Eslatib oʻtamiz, avvalroq Shahzod Sultonov va Feruza Normatova turmush qurayotganiga ishora qilgandi. Ozoda Nursaidova oʻz sahifasida yangi qoʻshigʻiga ishlangan klipdan parchani eʼlon qilgan. Unda Shahzod Sultonov va Feruza Normatova rol ijro etgan. Maʼlum boʻlishicha, klip syujeti real voqealarga asoslangan. Aktyor haqiqatdan ham hamkasbining qoʻlini soʻragan va unga uzuk taqib qoʻygan. Ozoda Nursaidova esa izohlarda ularga baxt tilagan

Shuningdek, Feruza Normatova “stories”iga xonandaning ushbu taronasini tinglab ketayotgani aks etgan video joylagan. Aktrisaning soʻzlariga koʻra, bu qoʻshiq u va Shahzod Sultonovning eng sevimli taronasiga aylangan. Feruza Normatova ham klipdan kichik lavhani sahifasiga joylab, “Siz menga uzuk bergan kun”, deya yozib qoldirgan.