Qoraqalpog‘istonlik bolalar Buxoroda maroqli ta’til o‘tkazishmoqda

Avval xabar qilganimizdek, yoz mavsumini ko‘tarinki kayfiyatda o‘tkazish maqsadida 19-iyul kuni qoraqalpog‘istonlik o‘g‘il-qiz sharif shahrimizga kelishdi.

Ular ayni paytda viloyatimizdagi bir qancha bolalar yozgi oromgohlarida dam olishmoqda.

Jumladan, Qoraqalpog‘iston Respublikasi Xo‘jayli tumanidan kelgan o‘g‘il-qizlar viloyatimizning so‘lim maskanlaridan biri Buxoro shahridagi “Neftchi” bolalar yozgi oromgohida yozgi mavsumni ko‘ngildagidek o‘tkazishmoqda.

Bolajonlarnng bo‘sh vaqtlarini mazmunli tashkil etish, shu bilan birga viloyatimizning boy tarixiy merosidan bahramand etish maqsadida ular uchun Ark qo‘rg‘oni, Sitorai Moxi-xosa hamda Poyi Kalon tarixiy obidalariga sayohatlari tashkil qilindi.