Formadagi ayollar targ‘ibot tadbirlarida

Buxoro shahar IIO FMB Huquqbuzarliklar profilaktikasi Voyaga yetmaganlar masalasi bo‘yicha inspektor-psixologlari tomonidan “qizil hudud” sanalgan mahallalarda va davlat idoralarida profilaktik targ‘ibot ishlari o‘tkazildi, – deya xabar bermoqda viloyat IIB Matbuot xizmati.

Aholi, ayniqsa yoshlar orasida huquqbuzarlik va jinoyatchilikni barvaqt oldini olish borasida bilib-bilmay bu kabi holatlarning ishtirokchisi bo‘lib qolishdan ehtiyotkorlikka chorlandi.

Yozgi ta’til davomida voyaga yetmaganlarni qarovsiz va nazoratsiz qoldirmaslik, ularning bo‘sh vaqtidan unumli foydalanish to‘g‘risida tushuntirishlar berildi.

Fuqarolarning huquqiy savodxonligini oshirishga doir profilaktik targ‘ibotlar olib borilib, firibgarlik, o‘g‘irlik va kiber jinoyatchilik qurboniga aylanib qolmaslik yo‘llari tushuntirildi.

Joylarda nazorat tadbirlari o‘tkazilib, bunda ko‘chalarda qarovsiz va nazoratsiz yurgan voyaga yetmaganlar aniqlandi va qonuniy vakillariga topshirildi