Qoqishtivonliklar uchun yangi mahalla tibbiy punkti ochildi

Davlat rahbarining tegishli qarori bilan aholiga birlamchi tibbiy-sanitariya yordami ko‘rsatishning sifati, samaradorligi va ommabopligini oshirish maqsadida birlamchi tibbiy-sanitariya yordami muassasalaridan yiroqda joylashgan mahallalarda joriy yil 1-maydan boshlab mahalla tibbiyot punktlari tashkil etish belgilangan edi.

Shunga muvofiq, Romitan tumani «Qoqishtuvon» mahalla fuqarolar yig‘inida mahalla tibbiy punkti ochildi. Tuman markazidan uzoq masofada joylashgan mazkur mahallada 785 nafar aholi istiqomat qiladi. Endilikda mahalladagi «Qoqishtuvon», «Yangiobod» va «Xo‘jazafaron» qishloqlari aholisi malakali tibbiy xizmatdan foydalana oladi.

Ochilish marosimida so‘z olganlar aholini yangi tibbiyot punkti bilan tabrikladi. Yangi xizmatlar va ularning aholi salomatligidagi o‘rni haqida alohida to‘xtalishdi.