Buxoro shahridagi №17 va №37 avtobuslarining harakat yo‘nalishi o‘zgardi

Joriy yilning 8-avgustidan 19-avgustiga qadar Buxoro shahrida oliy ta’lim muassasalariga qabul qilish bo‘yicha test sinovlari “Umid” va “Dilkusho” sport majmualarida o‘tkazilishini hamda test sinovlari davrida harakat xavfsizligini ta’minlash maqsadida Muhammad Iqbol va Islom Karimov ko‘chalarida transport vositalarining harakati vaqtinchalik cheklanishini inobatga olib, 17-sonli va 37-sonli avtobus yo‘nalishlarining harakatlanish yo‘nalishiga vaqtinchalik o‘zgarishlar kiritilmoqda. Endilikda ular viloyat Buxoro viloyat bolalar ko’p tarmoqli tibbiyot markazidan «Karvon» buyum bozoriga G‘ijduvon ko‘chasi orqali harakatlanadi.

Quyida esa 2022/2023-o‘quv yili uchun Buxoroda oliy ta’lim muassasalarining bakalavriat ta’lim yo‘nalishlariga kirish test sinovlari o‘tkaziladigan bino, stadion va xiyobonlar bo‘yicha ma’lumotlarni keltiramiz.

Aytish joizki, bu yilgi test jarayonlari Buxoro shahrida faqatgina 2 ta maznilda o‘tkaziladi. Bular, “Umid” futbol stadioni hamda “Dilkusho” tennis stadionidir. Quyida batafsil ma’lumor berilmoqda:

Nomi: “Umid” futbol stadioni.
Manzil: Buxoro shahri, Tursunoy Avezova ko‘chasi, 15/3-uy.
1-sektor: 1–36-guruhlar.
2-sektor: 37– 52-guruhlar.
Geo-lokatsiya: https://goo.gl/maps/acjTH1eDeMgE5jNG8

Nomi: “Dilkusho” tennis stadioni.
Manzil: Buxoro shahri, Islom Karimov ko‘chasi 24-uy.
Sektor: 3-sektor.
Guruhlar: 53–86-guruhlar.
Geo-lokatsiya: https://goo.gl/maps/VzT3GXbq1rS68ZHB7