Buxoro yangiliklari

«Buxoro» avtoshox bekati avtomobillar uchun yopildimi?

photo 486

Loading

Joriy yilning 14-avgustidan boshlab M37-magistral yo‘li yoqasidagi «Karvon» buyum bozori ro‘parasida joylashgan «Buxoro» avtoshox bekatida shahardagi birinchi yer osti o‘tish joyi qurilishi boshlandi. Shu kundan e’tiboran, barcha yuk tashuvchi avtomobillar uchun bu yo‘l yopildi.

Endilikda ular Buxoro tumani, «Yo‘lboshchi» MFY hududidagi ko‘prik orqali quyidagi sxema bo‘yicha aylanma yo‘ldan foydalanishlari belgilandi:

photo 02 158

Bu borada Buxoro viloyati IIB YHXB xabar e’lon qildi. Quyida uning to‘liq matnini keltiramiz:

«Buxoro viloyati IIB Jamoat xavfsizligi xizmati YHXB shuni ma’lum qiladiki, Buxoro shahri hokimining joriy yil 13-avgust kunidagi tegishli farmoyishiga asosan, Buxoro shahri hududidan o‘tuvchi A-380 va M-37-raqamli xalqaro ahamiyatdagi avtomobil yo‘lida joylashgan “Karvon” chorrahasidan M-37-raqamli xalqaro ahamiyatga ega bo‘lgan avtomobil yo‘li bo‘ylab, “Mohi xossa” chorrahasigacha bo‘lgan masofada ushbu yo‘lda yer osti piyodalar o‘tish yo‘lagi qurilishi munosabati bilan, qurilish montaj ishlari tugagunga qadar mazkur avtomobil yo‘lida yuk avtomashinalarining harakati tasdiqlangan chizma asosida amalga oshiriladi.

Bu borada, barcha haydovchilardan tartibga soluvchi xodimlarning ishoralari va yo‘l belgilari talablariga rioya qilishlarini so‘raymiz!»

Muhokama qilish (0 ta sharh)

Javob berish


  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 14-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.