Sardor Rahimxon qizining sog‘lig‘i haqida ma’lumot berdi

“Yurak amri” loyihasi asoschisi Sardor Rahimxon Instagram sahifasida qizi sogʻayib ketganini maʼlum qildi.

U qizi uchun duo qilganlardan Alloh rozi boʻlishini soʻragan. Biroq Sardor Rahimxon qizi qanday kasallik bilan ogʻriganini aytmagan. Xonanda qizi bilan tushgan suratini ham eʼlon qilgan.

“Barcha qaygʻurib, duo qilganlardan Alloh rozi boʻlsin. Qizim sogʻayib ketdi. Alhamdulillah”, — deb yozadi u.

Eslatib o‘tamiz, avvalroq u oʻz kuzatuvchilaridan qizining tuzalib ketishi uchun shifo soʻrab, duo qilishini soʻragan. Xonanda obunachilari orasida duosi ijobat boʻladigan insonlar koʻpligini taʼkidlagan. Shuningdek, Sardor Rahimon qiziga dard bergan Alloh uning shifosini berishini ham soʻragan.