Buxorolik tarbiyachilar OTM ga tavsiyanoma asosida o‘qishga qabul qilindi

Kecha, 9-avgust kuni Buxoro viloyati maktabgacha ta’lim boshqarmasi binosida buxorolik 7 nafar bog‘cha tarbiyachilariga o‘zlarining yo‘nalishlari bo‘yicha oliy ta’lim muassasalariga kirish uchun tavsiyanomalar topshirildi.

Eslatib o‘tamiz, O‘zbekiston Respublikasi Prezidentining 2022-yil 15-iyundagi 60-F sonli Farmoyishi hamda O‘zbekiston Respublikasi Vazirlar Mahkamasining 2021-yil 4-noyabrdagi 675-son Qaroriga muvofiq, kamida 5 yil ish stajiga ega bo‘lgan tarbiyachi-pedagoglar oliy ta’lim muassasalarining sirtqi va kechki ta’lim shakliga suhbat natijalariga ko‘ra, tabaqalashtirilgan to‘lov-kontrakt asosida o‘qishga qabul qilish uchun O‘zbekiston Respublikasi Maktabgacha ta’lim vazirligi tomonidan tavsiyanomalar berilishi yo‘lga qo‘yilgan.