Buxoro yangiliklari

“Forbes” jurnali muxbiri va boshqa jurnalistlar Buxoroga tashrif buyurdi

photo 525

Loading

Kuni kecha “Forbes” jurnali muxbiri Melik Kaylan, jurnalist, siyosiy arbob, Nyu-York shahar kengashi deputati Ari Kagan, jurnalist Isaakson Endi Samuel va amerikalik yozuvchi va jurnalist, “Bukharian Times” gazetasi (Amerikadagi buxorolik yahudiylar tomonidan tashkil etilgan) bosh muharriri Rafael Nektalov kabi AQSh ning taniqli nashrlar muxbirlari Buxoroda kutib oldi.

2 kunlik tashrif davomida mehmonlar Buxoro shahrining diqqatga sazovor joylari, yahudiylar sinagogasi hamda qabristonini ziyorat qilishdi.

«Biz Tashqi ishlar vazirligi taklifi bilan O‘zbekistonda Prezident Shavkat Mirziyoyev olib borayotgan islohotlarni yoritish uchun keldik. Asli o‘zbekistonlik bo‘lganim uchun Buxoroda yahudiylar jamiyati qanday yashayotganini ko‘rish men uchun qiziq, chunki qayerda yashamaylik, biz doimo ildizlarimiz haqida o‘ylaymiz. Bu yerdagi yahudiylar mahallasini faol qo‘llab-quvvatlayotgan O‘zbekiston hukumatidan, xususan, Buxoro viloyati hokimidan cheksiz minnatdormiz. Qayd etishni istardimki, Buxoro viloyati hokimligi AQSh va Kanadadagi buxorolik yahudiylar kongressi bilan yaqindan hamkorlik qiladi. Men o‘zim bu yerda ko‘p marta bo’lganman va yahudiy qabristoni atrofidagi o‘zgarishlar hamda qurilish ishlarini ko‘rib turibman, keng ko‘lamli rekonstruksiya qilinmoqda. O‘tgan 5 yil ichida biz O‘zbekistonda juda ko‘p ishlarni amalga oshirdik. Bu Samarqanddagi qabristonlardagi buxor yahudiylarining moddiy-madaniy yodgorliklarini saqlab qolishdir. Biz Shahrisabzda ham bo’ldik, endi Qo‘qonga boramiz va tabiiyki, dunyodagi buxorolik yahudiylar markazi Buxoro shahrini chetlab o‘tolmaymiz. Bu yerda ikki bobom ibodat qilishgan. Onam tomondan barcha qarindoshlarim Buxoro shahridan. Bu mening ona shahrim», – deydi “Bukharian Times” gazetasi bosh muharriri Rafael Nektalov.

[metaslider id=5401 cssclass=»»]

Ma’lumki, turizm sohasida amalga oshirilayotgan islohotlar xorijiy ommaviy axborot vositalari tomonidan keng ommaga yoritilmoqda. Xususan, “The Telegraph” yer yuzidagi eng sarguzashtbop maskanlar roʻyxatini eʼlon qildi va Oʻzbekiston mazkur roʻyxatda birinchi oʻrinni egalladi.

“The Economist” nashri tomonidan esa Oʻzbekiston yil mamlakati deya tan olindi. Bundan tashqari, “Lonely Planet”, “Harpers Bazaar”, “The Spectator” va boshqa nashrlar tomonidan mamlakatning sayyohlik potensiali yuksak baholanib kelinmoqda. Turkiyaning “Türkiye” gazetasida “Oʻzbekiston turizm yulduziga aylanib bormoqda” sarlavhali maqola chop etilgan bo’lsa, Amerikaning «Forbes» jurnalida “O’zbekiston Buyuk ipak yo‘lining markazi sifatidagi tarixiy roliga qaytmoqda” sarlavhasi ostida maqola chop etilgan.

Unda maqola muallifi Melik Kaylan O‘zbekistonga tarixiy nuqtai nazardan nigoh tashlagan:

«Ipak yo‘li sivilizatsiya tarixida global qutblar, asosan G‘arb va Sharq o‘rtasida quruqlik orqali turli mahsulotlar, g‘oyalar, texnologiyalar, tillar va, eng avvalo, madaniyatlar almashinuvini amalga oshirish uchun hayot chizig‘i vazifasini o‘tagan. Asrlar, hatto ming yillar davomida u dunyoning markaziy qon tomiri bo‘lgan. Ipak yo‘li asosini hozirgi O‘zbekiston hududi, uning shahar va vohalari tashkil qilgan. Sharqdan yoki g‘arbdan cho‘llar orqali karvonlarda harakatlanayotgan, horigan sayohatchilar va savdogarlar ufqda qandaydir sarob ko‘tarilishi, miltillab ko‘zga tashlanayotgan istehkomlarni qamrab olgan yashillik, ko‘ngilga yoqadigan xush havo, mevali daraxtlar va gullab-yashnayotgan o‘simliklar haqida orzu qilgan. Afsonaviy Buxoro, Xiva va Samarqand nomlari hashamatli boylik va qadimiy urf-odatlarni o‘zida mujassam etgan. Tut, ipak va anor. Yer yuzidagi eng lazzatli qovunlar. Betakror matolar. Bozorlardagi qimmatbaho toshlar va nafis taqinchoqlar. Falsafa, musiqa, matematika, nafis miniatyura san’ati. O‘zbekiston asrlar davomida dunyo ongida o‘zgarmas o‘rinni egallab kelgan. Mamlakat ushbu o‘ziga xoslikni yana qaytarishi mumkin».

Muhokama qilish (0 ta sharh)

Javob berish


  • Telegram
    photo
    18.03.2024

    Buxoroda maktab o‘quvchilarini olib ketayotgan avtobus va yuk mashinasi o‘rtasida sodir bo‘lgan avariya oqibatida o‘quvchi halok bo‘ldi (video)

    photo
    29.02.2024

    Buxorodagi san’at maktabida usta pianinoni keti bilan chalgani rostmi yoxud feyk-xabar ortida nima turibdi?

    photo
    27.02.2024

    Buxorolik tadbirkorning o‘z joniga qasd qilgani rostmi yoxud yolg‘on xabar ortida shaxsiy manfaat turibdimi?

    photo
    26.02.2024

    Buxoroda aeroport orqali qadimiy tangalarni Dog‘istonga olib ketishmoqchi bo‘lishdi

    photo
    23.02.2024

    Har bir murojaat e’tiborda — Davlat kadastrlari palatasi Buxoro viloyati boshqarmasi

    photo
    09.02.2024

    Ipoteka krediti asosida olingan uy-joyni kreditni to’lamasdan boshqa shaxsga sotish mumkinmi?

    photo
    31.01.2024

    Huquqshunos sharhi: talabalar ham oliygohdan “suyunchi puli” olishga haqli

    picture
    25.01.2024

    Murodjon Umarov O‘zbekiston mahallalari uyushmasi Buxoro viloyati boshqarmasi boshlig‘i etib tayinlandi

    picture
    23.01.2024

    Jinoyat ishlari bo‘yicha Qorako‘l tumani sudi raisi Boborahim Achilovga hayfsan berildi

    picture
    19.01.2024

    “Yordam beringlar, otam onamni o‘ldiryapti!” — 20 yillik turmushdan so‘ng qorako‘llik erkak o‘z xotinini bolalari ko‘z o‘ngida o‘ldirdi

    picture
    18.01.2024

    G‘ijduvonlik “uddaburon” tanishining xonadonidan tamaki kontrabandasi uchun foydalanmoqchi bo‘ldi

    picture 1
    17.01.2024

    Markaziy bankning Buxorodagi rahbari Erkin Mansurovning 20 mln dollarlik jinoyat ishidagi aybi isbotlanmadi

    picture
    17.01.2024

    Buxoroda bojxona orqali jangovor o‘qlarni olib o‘tishga urinish bo‘ldi

    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.