Buxoro viloyati IIB boshlig‘i fuqarolarning shaxsan qabulini o‘tkazdi

Kecha, 14-sentabr kuni tasdiqlangan grafik asosida, Buxoro viloyati Ichki ishlar boshqarmasida jismoniy va yuridik shaxslarning murojaatlari qabul qilindi.

Aholining muammolarini o‘rganish va ularni bartaraf etish maqsadida kecha, 14-sentabr kuni Buxoro viloyati IIB da boshqarma boshlig‘i, polkovnik Shuxrat Aliyev tomonidan navbatdagi qabul o‘tkazildi. Unda shuningdek, tegishli sohaviy xizmatlar rahbarlari va masʼul xodimlar ishtirok etishdi.

Har bir murojaatchining masalalari atroflicha o‘rganilib, ularning e’tiroziga sabab bo‘lgan holatlar tahlil qilingan holda, bartaraf etish choralari ko‘rildi.

Eslatib o‘tamiz, viloyat IIB boshlig‘i polkovnik Shuxrat Aliyevning shaxsiy qabuliga haftaning har chorshanba kuni soat 09:00 dan 11:00 gacha kirish mumkin.