BDU talabalari Indoneziyada nima qilishyapti?

Buxoro davlat universiteti talabalari qo‘shma ta’lim dasturlari talabalari xorijiy hamkor oliy ta’lim muassasalarida o‘qishni davom ettirishmoqda, – deya xabar bermoqda tashkilot matbuot xizmati.

Eslatib o‘tamiz, Buxoro davlat universiteti va Indoneziyaning Gunadarma universiteti rektorlarining 2019-yil 29-maydagi Raqamli turizm (Digital tourism) qo’shma magistratura mutaxassisligini tashkil qilish bo’yicha shartnoma imzolangan bo’lib, dasturni muvaffaqiyatli tamomlagan bitiruvchilarga Buxoro davlat universiteti va Gunadarma universiteti diplomlari berilishi belgilangan.

Shartnomaga muvofiq, ayni damda 5 nafar buxorolik bitiruvchi kurs talabalari mazkur hamkor oliy ta’lim muassasasida o‘quv rejasining qolgan qismini davom ettirib, loyiha ishlanmalarini tayyorlash, dissertatsiya ishini yakunlash va uni himoya qilish uchun Indoneziyada bo’lib turishibdi.