Buxoroda IIB xodimlari orasida “Zakovat” o‘yini o‘tkazildi – fotojamlanma

Bilim va zakovat – insonning eng sodiq do‘stidir. Maʼnaviy komillikning asosini bilim tashkil etsa, zakovat – bu bilim charxi. Zakovatli bo‘lish esa maʼnan yetuklik deganidir. Bu sifatlar bugungi kun Ichki ishlar organlari xodimlari uchun zarur jihatlar sanaladi.

IIB xodimlari orasida keng miqyosda o‘tkazilayotgan “Kasbiy tayyorgarlik oyligi” doirasida ham xodimlarda zukkolik, tezkor qarorlar qabul qilish, guruh bo‘lib ishlash ko‘nikmalarini yuksaltirishga qaratilgan intellektni rivojlantiruvchi bellashuvlar o‘tkazilmoqda.

Jumladan, 24-sentabr kuni viloyat IIB xodimlari ishtirokida “Zakovat” intellektual o‘yinining viloyat bosqichi shahar va tumanlar jamoalarini qamrab oldi, – deya xabar bermoqda viloyat IIB matbuot xizmati.

Xodimlarning jangovar tayyorgarligi emas, maʼnaviy salohiyatini sinovdan o‘tgan qizg‘in bahs va munozaralarga boy o‘tgan o‘yinlar yakuniy natijalariga ko‘ra, G‘ijduvon tumani IIB jamoasi 3-o‘rinni, Qorako‘l tumani IIB jamoasi 2-o‘rinni hamda viloyat IIB jamoasi faxrli 1-o‘rinni egallab, g‘oliblikni qo‘lga kiritdi.

G‘olib jamoalar boshqarma boshlig‘ining diplom va esdalik sovg‘alari hamda pul mukofotlari bilan taqdirlanishdi.